Tiranë-Berat

Pasazhe të ngrira

si lule të thata në herbarium

apo erashka të vjetra zonjash

të hedhura poshtë

pa pamje, pa ngjyrë

ngërthehen papritur të gjitha sëbashku

në xhamat e trashë të makinave

që rendin të gjarpërohen

në rrugën e çuditshme që të çon

nga balta drejt qytetit të bardhë

të hijeshuar me bimësi të harlisur

ku një turk nëpër to thonë u kacavjerr 

tatëposhtë  mureve hijerëndë perandorakë

për të thirrur në ndihmë ushtrinë mizëri
që kërceu papritur si nga nata
dhe gjithë  qytetin kapi në befasi

A thua kjo të ishte vallë arsyeja

e thyerjes së Skënderbeut të Pafan

a thua këtu në fushën e mbushur gjithë gjak

shumë kohë më vonë Onufri gjeti

të kuqen e tij të famshme, varak?

Peizazhe të ngrira mauzoleume

të kohërave të vjetra të zhytura në dritë

të historive të mbushura me sherbet e kanellë

bilbila dhe karafila, kafeneve gjithë tym nargjile

peizazhe të robëruara nga përbindëshat pesëkatësh

të handakosur të gjithë në avuj të trishtë

fryme të qelbur të lëshuar ndaj qytetit

pasqyrës së çuditshme të veseve njerëzorë

të harruar dikur në shkëlqimin e tij.

Tiranë 5.12.2011