Tirana

Gjysëm tuma të hapura

gropa gjysëm të mbushura me ujë

gjysëm të mbushurave me ëndrra strehimi

ringjallje e heshtur e qytetit

pa mozaikë, të kenë ç’të dëftejnë

pa statuja të përkryera të bukurisë femërore

veçse një shtrat përroi që ëndërron të quhet lum

e që sistemohet vazhdimisht si arkëmort i vjetër

mbushur me shpirtrat e të lashtëve

që zënë e rrëfejnë në gurgullima

për histori të vjetra tabakësh dhe terzish

për dashnorë që përgjojnë poshtë penxhereve

për të parë vashat si krihen

të luleve të bukura që ka Tirana

dhe i mbush rrugët plot me erë

e të kumrive që këndojnë nëpër carraca.