Mosmirënjohja

... Dhe u mblodhën të gjithë konspiratorët

tufë  rreth trupit të vdekur të Cezarit

dhe mes gjithë asaj lemerie gjaku të rrjedhur

të gjithë filluan të flasin me zë të lartë e të grinden

 se kush e kish dhënë  goditjen më fatale

se kush e kish prerë jetën e tij si nyje gordiane.

Goditja ime tha njëri nga senatorët ishte drejt e në gjoks

goditje që e la shakull përtok.

E imja vazhdoi tjetër ishte nën bark ajo e rrëzoi

në një pellg gjaku të bërë batak

E imja, e imja flisnin me radhë të gjithë

derisa u dëgjua Bruti që zhurmat në heshtje i këputi

E imja ishte goditje fatale, as nuk e dëgjuat sit tha:

“Edhe ti o Brut...

Pashë nderin mos u grindni tha një senator i mençëm , i urtë

Goditja e Brutit ishte goditja fatale

njeriu shpesh herë i plas zemra nga mosmirënjohja e madhe.

Të lumtë o Brut , ti e vrave Cezarin

A do një kurorë dafinash mbi kokë?

Bruti kish ngrirë si mumje e s’fliste dot,

i zhytur në mendime e lot…