Triumfi i mbretit Gent*

Qytetarët romakë

në vitin 168 para Krishtit,

ndërsa ishin mbledhur të gjithë

në qendren e qytetit të përjetshëm

po shijonin shfaqjen e radhës

që konsulli  Kasius Longinus  po u afronte.

Nën harkun e Triumfit

të ndërtuar me ngut

për të festuar fitoren e shijuar

parakalimin e mundishëm

të Mbretit Ilir Gent, të fundit mbret

nga ajo popullsi e vështirë

që si lejonte ta kishin Adriatikun liqenin e tyre,

po qeshnin e talleshin me ushtrinë e humbur,

me sytë e përhumbur e dëshirat e mpakura

të njerëzve që skllavëria i priste.

Shiko, shiko si duken ata qëe mbanin veten për të egër

shiko mbretin e tyre si e ul kokën nën madhështinë e Romës

dhe zgërdhiheshin të gjithë me cinizëm e gaz të pa parë

pa kuptuar se kur do të sëmureshin ndonjëherë nga mëlçia

nga kupat pafund të verës së Ferlenit që pinin,

se kur do infektoheshin në orgjirat e tyre pa fund,

do vraponin të mjekoheshin me Gentiana, lulen e mbretit.

Çfarë ironie është fati njerëzor!

 Emri i atij që mendonin se

kish humbur një betejë ushtarake

do rilindte në shekuj në çdo kurim njerëzor

Mbreti Gent, përmes tyre po fitonte pavdekësinë

ndërsa ata që qeshnin e  talleshin

në atë paradite gjithë diell të Romës

sdo ti mbante mend askush…

*Mbret Ilir (mbretëroi 181-168 p.e.s). Genti, ishte mbreti i fundit Ilir, pasi pas tij e gjithë Iliria ra nën pushtimin romak.Në betejën finale në vitin 168 p.e.s ai u mund dhe u zu rob. Romakët si ishte tradita realizuan parakalimin e tij nën Harkun e Triumfit.  Vitet e fundit ai I kaloi në qytetin latin Iguvium ku dhe vdiq, dhe ku besohet se është dhe sarkofaku i tij. Mbreti Gent, është I njohur në botën antike dhe të sotme për lulen Gentiana lutea , bimë shumë e njohur curative që përdoret për të luftuar infeksionet e mëlçisë, ënjteve dhe madje dhe në përgatitjen e disa likereve.