Rri sonte mos ik,
shih si çelën
jargavanët nën dritare
shiu s’mbjell më
pellgje por butësisht bie
Vështro si
afrohet nata ëndërruese
me tinguj të lehtë
si hije
Rri sonte mos ik
Ti vjedhim botës
një buzëqeshje gëzimi
Ti erdhe-capite
lehtë
nën parzme të
brishta ledhatimi
Rri sonte mos ik
Prit agimin e
bardhë,
ylberin e brishtë
ngjyra-ngjyra
derisa çapet që bëre
për të ardhur tek unë
të kthehen nga
gonxhe në trëndafila.
Rri sonte mos
ik....
No comments:
Post a Comment